Henk se wynwinkel

Dit was 'n trotse oomblik vir Hendrik en Hetta om te sien hoe Henk 'n uitstekende wynproe aanbied oor "block-buster" Shiraz wyne. Ander volwasse kinders van die wynklub-lede was by om die aand te geniet. Die wyne wat ons in drie flights van drie proe is as volg:
1. Arendsig 2012 - Liqueries en swart vrugte
2. Dunstone 2012 - gesnyde vars kruie (basil?). Goeie tanien struktuur.
3. Rijks 2008 - Duidelike vrug-gedrewe  wyn met baie karakter op die middel pallet
4. Reynecke 2012 - Vrugte-koek, naeltjies en mooi taniene
5. Boschkloof 2011 - Suiglekkers, rokerig, met 'n vars mondgevoel.
6. Saint-Joseph L'Amarybelle 2010 - Skoon, klassieke wyne. Fennel en soet hout.
7. Eagle Nest 2010 - Perdesweet-Shiraz karakter. "Yummy" op die mond.
8. SIHNN 2011 - Kersies en brandewyn met baie struktuur, tog goed gebalanseerd
9. Mullineux 2011 - Kruie, tabak en vrugte met 'n volmond belewenis.
Daarna geniet ons besonderse Pizza wat in die winkel gebak word. Ons kinders het goed geleer.

Valentynsproe

Soos wat nou al tradisie geword het, kom ons weer bymekaar vir die jaarlikse Valentyns-proe. Marlene en CN het 'n proe uit die boonste rakke saamgestel: Die lekkerste disse almal ge-paar met vonkel-wyne van alle uithoeke van die wereld.

1. Ons word welkom geheet met 'n 2012 Simonsig Kaapse Vonkel Brut Rose
2. Dan oesters en 'n Franse Nicolas Feuillatte Brut Reserve NV
3. Die Peer, neute en kaas slaai word geniet met die Italiaanse Prosecco DOC Astoria en 2010 Wildekrans MCC
4. Ons geniet 'n verskeidenheid salamis en kase saam met die Spaanse 2011 Raventosi Blanc de Nit en 'n Woolworths Pinot Noir Rose NV
5. Tortelli Alla Ferrarese word volgende geniet met 2008 Jansz (van Tasmania) en 'n JC le Roux Brut NV
6. Die Pana Cotta nagereg word bedien met JC le Roux la Valle en 'n MCC van Colmant