Somerwyne

George toets ons vermoee om witwyne te identifiseer. Eers word ons uitgedaag om ses enkel kultivars te identifiseer en daarna vier versnitte. Ons vaar redelik goed met ongeveer 'n 80% sukses tempo. Die wyne wat geproe word is.
1. The Foundry Voignier 2013 - Aards en romerig
2. Dornier Semillon Limited Edition 2011 - Sitrus met 'n suur-struktuur wat die smake goed ondersteun
3. Cape of Good Hope Altima Sauvignon Blanc 2011 - Tipiese gras-karakter en met groot toenadering (forthcoming)
4. VredeenLust Artisan Range Riesling 2013 - Tipiese petroleum en bloeisels
5. Mount Abora Koggelbos Chenin Blanc 2012 - Komplekse perskes en heuning. Ontwikkel goed in die mond.
6. Lanzerac Chardonnay 2012 - Goed gebalanseerd: appel en lemmetjie
7. Yardstick Marvelous Ka-pow! 2012 - Perfume, structure en varsheid (Chenin-gedrewe)
8. Black Oystercatcher White Pearl 2010 - Appeliefie, mineraliteit en romerigheid (Semillon-gedrewe)
9. Bouchard Finlayson Blanc de Mer 2013 - Baie geure wat almal in balans is. (Chardonnay-gedrewe)
10. Lemberg  The Lady 2012 - Perskes, speserye en blomme, kompleks en vol lewe. (Voignier-gedrewe)

Almal stem saam dat dit baie lekker was en veral dat George baie moeite gedoen het om die proe saam te stel.

Uva Mira

Die klub besoek die wynkelder op die voetheuwels van die Helderberg en proe onder anderre die Chardonnay en Shiraz.

Pinot-proe

Hendrik bied 'n interessante Pinot Noir wynproe aan. Ons word deur drie flights van drie wyne gekonfronteer wat ons blind proe. Elke flight het 'n Franse, Suid Afrikaanse en 'n Kiwi Pinot Noir wyn in. Ons enigste taak was om die lande in elke flight te identifiseer. Ons vaar besonders goed om die lande te bepaal. Oor die algemeen vaar die Franse Pinot Noir's baie beter, met die Suid Afrikaanse wyne in die derde plek. Die wyne wat geproe is was:
1. Money Saint Denis, 1e Cru La Roitte 2011 (FR) - Vars kersies en amandels. Baie kompleks
2. Nautilis 2011 (NZ) - Bos en sampioene. Volmond met kompleksiteit
3. De Grendel 2011 (SA) - "Smokeyness on the nose", vrugte prominent op die mond.
4. HaHa 2012 (NZ) - "Flinty" rooi vrugte
5. Crystallum Mabalel 2013 (SA) - Nat Tabak - kompleksiteit - eerste tong-kontak is glad en dan ontploffing van smaak. Die beste SA wyn.
6. Chateau de Chameney 1e Cru le Ruelles 2011 (FR) - Kruie en speserye met baie struktuur
7. Greywache 2011 (NZ) - Speserye en Neut. Gebalanseerd en glad mond-smaak.
8. (SA) - Te veel hout vir Pinot. Teleurstellend
9. Bourgogne Haute Coote de Beaune (FR) - Speserye, gedroogde vrugte, suur, tanniene, alles in balans.

Wegnaweek na Noordhoek

Die wegnaweek wat Nico vir ons reel na Noordhoek oortref weereens in die verwagting. Ons het nou al gewoond geraak aan uitstekende wyne, kos en geselskap en is altyd onseker of die volgende nie gaan teleurstel nie. Maar weereens was dit uit die boonste rakke.
Die besoek aan Eagles Nest was op soveel verskillende vlakke besonders. Buiten vir die uitstekende Voignier en Shiraz was die omgewing ook baie mooi.
Die aand se viergang-ete met wyn gepas by The Foodbarn was uit iets besonders. Die spyskaart wat deur Franck Dangereux opgestel is, het met smake en oorspronklikheid gepronk.