Streekgebonde Sauvignon Proe

Abrie bied 'n uitmuntende proe aan met die klem op streek-eienskappe van Sauvignon Blanc. Die wyne word blind geproe en ons moes weereens erken dat die klub besonderse knap proe-lede het wat heelwat wyne kon eien. Die wyne wat ons geproe het, was:

1. Sir Lambert (2009) - Fris en skerp met apersies
2. Cederberg (2009) - Vye, aspersies en lang einde
3. Saronsberg (2009) - Goeie balans
4. Durbanville Hills (2010) - Compleks
5. Cape Point Stonehaven (2009) - Uitstekende voorbeeld - tropiese vrugte
6. Lynngrovw (2010) - Vars gesnyde gras met goeie suur
7. Avondrood (2010) - Vars en fris
8. Springfields (Wine from Stone) (2010) - Minerale
9. Zoetendal (2008) - Pere en litchi's
10. Karusa (2010) - Lemmetjie, maar sag op die pallet

Rawsonville wegnaweek

Wat 'n belewenis! Mens dink altyd Rawsonville is 'n stil ou dorpie eenkant teen die berg as mens met die N1 verby-blits. Ons het hierdie naweek agtergekom dat goeie wyne (en baie) in hierdie vallei gemaak word. Verder het ons wonnerlike mense ontmoet en die naweek besonder geniet.

Die volgende kelders is besoek:
1. Deetlefs Landgoed waar kwaliteit wyne geproe word.
2. Uniwyne se Daschbos kelder. Ons word deur die massiewe kelder geneem en daarna 'n leersame skyfie-vertoning en wynproe.
3. Die "ligte" ete, proe en wyne aangebied deur Albertus en sy span by Avondroodt sal seker lank deur elke klublid onthou word.
4. Wynproe by Merwida kelder. Ontdek die volume wyn wat die private kelder hanteer en terselfdertyd kwaliteit wyne onder hulle eie etiket lewer.

Ons bly oor in die Werwida Country Lodge - 'n gebou uit 'n vorige tydperk met die grasie en styl van 'n vroeer tyd. Ons sluit die dag af met 'n wyn en kos geleentheid, aangebied deur die bestuurderes van die Lodge.

Italiaanse wyne belewenis

Hendrik en Hetta reel 'n voortreflike aand waar ons 'n wye versameling Italiaanse wyne geniet saam met Italiaanse kosse. Die wyne wat geproe word is:
1. Prosecco Raboso Sole Novi NV - Delikate vrugte (Pere?)
2. Lamberti Pinot Grigio 2009 - Wit perskes, baie lig
3. Lamberti Soave Santepietre 2008 - Neutigheid en pere met 'n tikkie bitter
4. Colli di Luni Vermentino 2008 - Pynappels en heuning
5. Ca'Bianca Borolo DOCG 2005 -Naeltjies en ryk vrugte
6. Casa Emma Chianto Classico DOCG 2007 - Aardsheid en belee kersies
7. Lamberti Amarone Tenuta "Pule" 1998 - Intense neus, vrugte en violette
8. Mpntresor Valpolicella Ripasso Classico 2007 - Geroosterde geure met bessies op die mond
9. Zaccagnini Montipulciano D'Abruzzo 2008 - Sampioene en baie vrugte

Merlot versnitte

Sam en Isobel onthaal ons in hulle huis met 'n voortreflike proe van verskillende merlot versnitte. Daarna smul ons aan brood, kaas en sop. Die wyne wat geproe is, was die volgende:

1. Excelsior Merlot 2008 - Bessies met donker choc
2. Simonsig Frans Malan 2006 - Goeie struktuur
3. Slanghoek Camerca 2008 - Baie vrug wat ook op die tong ontwikkel
4. Cederberger 2007 - Mocha en pruime
5. Gaudian Peak Merlot 2009 - Baie elegant, vrugte en 'n sweepie toffie
6. Idiom Del Capo 2006 - Stowwerige vrugte met piesang geure.
7. Paradyskloof Merlot 2007 - Gladde mond-intree
8. Vriesenhof Enthropia 2005 - Aardsheid en sampioene

Bottelary Hills Wynsentrum

CN en Marlene tref reelings vir 'n leersame besoek aan die Bottelary Hills Wynsentrum waar ons meer leer oor nuwe tendense in witwyn versnyding in die Suid Afrikaanse wynbedryf. Ons proe ook die volgende wyne:
1. Simonsig Adelblanc 2009
2. Vergelegen White 2008
3. Adoro Naude White 2008
4. Sterhuis Astra White 2007
5. Joostenberg Fairhead 2008
6. Bellingham Fair maiden 2008
7. Rall White 2008
8. Lammershoek Roulette 2007
9. Sadie Palladius 2008

Mooiplaas belewenis!

Wat 'n belewenis om hierdie proe mee te maak. Die passie van die Roos-familie en hulle kennis van die omgewing en wyn-maak in besonders was duidelik deur die hele aand. Ons begin die proe met 'n rit na die hoogste punt van die plaas waar ons die son sien sak oor Robben eiland. Ons proe verskeie wyne en geniet daarna 'n tafel vol lekkernye terwyl ons lang stukke gesels.

Die wyne wat ons geproe het was:
1. Chenin Blanc 2009
2. Sauvignon Blanc 2009
3. Pinotage 2006
4. Merlot 2007
5. Cabernet Sauvignon 2002
6. Shiraz 2004
7. Rosalind 2005
8. The Bean Pinotage 2009

Sushi en Wyn

Willem en Gretel trakteer ons op van die lekkerste Sushi terwyl ons ook leer watter wyne die beste pas by hierdie Japanese gereg. Die wyne wat geproe is was:
1.Pongracz MCC
2. Flagstone Sauvignon Blanc 2009
3. de Wetshof Bon Vallon 2009
4. Sumaridge Martimus 2008
5. deWetshof Rhine Riesling
6. Fleur du Cap Chenin Blanc 2008
7. Robertson Bauketraube 2009
8. Mooiplaas Cabertnet Sauvignon 2002
9. Monis Pale dry Sherry

Die algemene gevoel was dat die beste keuse 'n ongehoute Chardonnay is (no. 3), met die Bauketraube en die MCC as goeie plaasvervangers.