Shiraz Versnitte

Hannes bied twee flights met dieselfde soort versnitte aan: Shiraz skoon, Shiraz en Cabernet, Shiraz en Pinotage en 'n Rhone versnit (primer met Mouvedre). Die eerste flight baie meer bekostigbare wyne, terwyl die tweede flight duurder wyne is:

1.1 Schonenberg Walking the Path 2008 (met Pinotage). Intense geure maar 'n bietjie grof
1.2 Nederberg Baronne 2008 (met Cabernet). Rokerige karakter, speserye met hout ondertone.
1.3 Myberg en Milner 2008 (de Meye gebottel vir Aroma). Skoon bessies met lang nasmaak.
1.4 Schalkenbosch Stratus 2006 (Rhone versnit). Donker rooi, beste van die flight

2.1 Kwezi 2007 (Pinotage en Cinsaut). Complekse wyne met intense bessies
2.2 Inkara Shiraz 2004 (Shiraz). 'n Cape classic!
2.3 Guardian Peak SMG (Rhone versnit). Baie kompleks. Uitsekende wyn teen goeie prys.
2.4 Mas Nicolas 2005 (met Cabernet). Een van die hoogtepunte van die aand.

Somer samesyn by Harry's

Ons begin die proe-jaar op 'n besonderse wyse by Harry's Restaurant buite die Paarl. Nadat ons trakteer is op die spitsvondighede en kennis van Lars en Francois van Morgan's Wineshop, eindig die aand met 'n gereg van spesiale hamburger geregte. Die wyne aangebied deur Lars geniet ons saam met spesifieke geregte. Die wyne was:

Knorhoek Chenin Blanc 2008 saam met 'n Garnaal-koekie
Lindhurst Viognier 2009 met 'n Maleier gereg
Cederberg Bauketraube 2009 met dieselfde Maleier gereg
Freedom Hill Pinotage 2007 met Hoender en Basillie kruie
De Heuvel Shiraz 2007 met Griekse lam
La Motte Millinium 2006 met Harry se steak
Lanzerac Classique versnit 2004 om mee af te sluit.

Lebanese Afsluiting

As daar een ding is wat ons in hierdie wynklub geleer het, is dat wyn orals in die wereld gedrink word. En verder as ons mense ontmoet wat wyn geniet, dan kan mens van hulle hou. Hierdie jaar is die afsluitingsfunksie aan huis van Geza and Ghenwa gehou. Ghenwa het ons gewys hoe Lebanese geregte voorberei word en daarna het ons dit geniet saam met gepaste Suid Afrikaanse wyne.

Ons is die aand laat daar weg met baie bevredigende herhinderinge. Ons het nuwe vriende gemaak en ou vriendskappe versterk.

Kultivar Vaardighede

Willem doen baie moeite en bied 'n uitstekende proe aan waar die klub uitgedaag word om nege kultivars te identifiseer. Meeste van die lede vaar besonders goed met heelwat wat agt reg kry en selfs 'n paar vol-punters!

Die wyne wat geproe word is as volg:

1. JC le Roux Sauv Blanc Vonkel - duidelike SB karakter
2. Bloemendal Semillon 2007 - Vrugte verpak in gladde room
3. Mooiplaas Chenin Blanc 2008 - Volmond tropies vrugte
4. Sir Lambert Sauvignon Blanc 2009 - Goeie struktuur met tipiese groenrissies en gras
5. La Motte Chardonnay 2007 - Sitrus, gis, neute opgeklits in botter-lekkerte
6. Mooiplaas Cabernet Sauvignon 2004 - Elegante wyn met lieflike Cab geure
7. Mooiplaas Pinotage 2005 - Pruimkarakter wat goed deur die eik ondersteun word
8. Mooiplaas Shiraz 2004 - Gerookte hout en speserye
9. Mooiplaas Merlot 2006 - Cassis en hout-ondersteunde kersie geure

Sauvignon Proe

Sam en Isobel bied 'n Sauvignon Blanc proe by hulle huis aan

Pinotage ABSA Top 10 Wenners

Reinhardt het (soos gewoonlik) daarin geslaag om al die ABSA Top 10 wenners in die hande te kry. Ons proe die wyne blind en vind nogal baie ooreenkomste in wat die klub van hou.

Botrivier wegnaweek

DIt is waarskynlik die feit dat Nico sulke goeie reelings tref vir ons weg-naweke dat hy gedurig gevra word om die reelings te tref. Hierdie jaar was weer geen uitsondering nie. Ons span uit vir twee dae in die omgewing van Botrivier en word op wyne en wynmaak-kuns trakteer by die volgende instansies:

1. Eers beindruk Niels Verburg (eienaar en wynmaker by Luddite) ons met sy gemaklike lewens-uitkyk maar ook met sy passie vir Shiraz.
2. Die Beaumonts van Botrivier het die streek "op die map" gesit. Al hulle wyne is puik maar ons word veral deur die Chenin's beindruk.
3. Die volgende besoek is aan Sumaridge waar ons deur die ex-Zimbabwier wynmaker (Gavin Peterson) aan hul wyne voorgestel word, waarna ons aansit vir 'n heerlike middag-ete.
4. Die aand se kos en wyn passingsete aangebied in Seasons restaurant word spesiaal besonders gemaak deurdat Bartho Eksteen ons gas is. Hy is een van die ikone van die Suid Afrikaanse wynbedryf. Ons geniet sy HermanusPietersfontein wyne en sy insigte oor Sauvignon Blanc.
5. Die volgende oggend woon ons 'n proe by die Hemel-en-Aarde wynwinkel by.

Ons keer terug met baie meer kennis van die streek maar ook gelukkig en te vrede om te kan deel in vriendskap en goeie tye.