Pinotage ABSA Top 10 Wenners

Reinhardt het (soos gewoonlik) daarin geslaag om al die ABSA Top 10 wenners in die hande te kry. Ons proe die wyne blind en vind nogal baie ooreenkomste in wat die klub van hou.

Botrivier wegnaweek

DIt is waarskynlik die feit dat Nico sulke goeie reelings tref vir ons weg-naweke dat hy gedurig gevra word om die reelings te tref. Hierdie jaar was weer geen uitsondering nie. Ons span uit vir twee dae in die omgewing van Botrivier en word op wyne en wynmaak-kuns trakteer by die volgende instansies:

1. Eers beindruk Niels Verburg (eienaar en wynmaker by Luddite) ons met sy gemaklike lewens-uitkyk maar ook met sy passie vir Shiraz.
2. Die Beaumonts van Botrivier het die streek "op die map" gesit. Al hulle wyne is puik maar ons word veral deur die Chenin's beindruk.
3. Die volgende besoek is aan Sumaridge waar ons deur die ex-Zimbabwier wynmaker (Gavin Peterson) aan hul wyne voorgestel word, waarna ons aansit vir 'n heerlike middag-ete.
4. Die aand se kos en wyn passingsete aangebied in Seasons restaurant word spesiaal besonders gemaak deurdat Bartho Eksteen ons gas is. Hy is een van die ikone van die Suid Afrikaanse wynbedryf. Ons geniet sy HermanusPietersfontein wyne en sy insigte oor Sauvignon Blanc.
5. Die volgende oggend woon ons 'n proe by die Hemel-en-Aarde wynwinkel by.

Ons keer terug met baie meer kennis van die streek maar ook gelukkig en te vrede om te kan deel in vriendskap en goeie tye.

Merlot proe

Abrie doen goeie navorsing en sit 'n indrukwekkende reeks wyne aan die klub voor. Teen die einde word 'n paar wyne in versnit met Merlot geproe. Meeste van die klublede misluk om die regte wyne uit te ken. Teen die einde van die aand het ons weer heelwat geleer en het ons baie meer waardering vir hierdie moeilike kultivar vir Suid Afrikaanse toestande.

Die wyne wat ons geproe het was:

1. 2007 Alexanderfontein - Marmite neus met 'n volmond smaak
2. 2006 Plaisir de Merle - Biltong en kruie, kompleksiteit in die mond.
3. 2007 Spier Signature - Bossies met 'n ferm aanslag
4. 2007 Durbanville Hills - Vol vrugte
5. 2007 Zonnenbloem - Sjokolade - wat lekker in die mond ontwikkel
6. 2008 Rust en Vrede - Delikate neus en kompleksiteit in die mond
7. 2009 Kranskop - (effense kurk) baie belofte
8. 2006 Boschendal (Cab, Merlot) - Rokerig en goeie hout integrasie
9. 2006 du Toitskloof (Pinotage, Merlot) - Rooi bessies
10. 2006 Just Shiraz and Merlot - Leer karakter
11. 2005 Quinrock Merlot - Glad en goed ge-integreerd
    

Shiraz proe

Reinhardt bied 'n Shiraz proe by sy huis aan. Ons proe bekende, maar ook minder bekende wyne en kom weereens onder die indruk van die geskiktheid van hierdie kultivar om in Suid Afrika verbou te word.

Vaskop in die Rooiwynskrum

Hendrik bied 'n uitsekende Cabernet Sauvignon wynproe by sy huis aan (met goeie ondersteuning van Simon van Louisvale). Hendrik maak die punt dat Cabernet die ruggraat van baie versnit rooiwyne is. Ons proe die volgende wyne blind:

1. 2005 Kleinvallei - Komplekse cassis aardsheid met rooi vrugte in die mond. Taniene moet nog bietjie versag
2. 2005 Phisantekraal - Goeie hout en vrugte duidelik
3. 2007 Louisvale - Menthol en violets met volmoed
4 2005 Ilka - Elegante, effens ligter wyn, vrug en taniene baie goed gebalanseer
5. 2005 Lanzerac - Sagte karamel, vrugte op die mond is amper port agtig.
6. 1992 Uitkyk - Baksteen rooi, baie glad (iets soos gemmer op die neus?)
7. 1995 Louisvale - Baie aantreklik ten spyte van die ouderdom
8. 1980 Stellenryck - Die groep voel dat die wyn te oud geword het

Annelie se Chardonnay proe

Annelie het 'n baie insiggewende Chardonnay proe aangebied. In die eerste flight is meeste van ons uitgevang met die Chenin wat sy deel van die proe gemaak het. Daarna het ons almal akkuraat die hout en bottel-veroudering kon proe. Die wyne wat geproe is:
Vooraf: Steenberg Chardonnay 1682 Brut.
1. Raka Chenin 2008 - Mango op die neus met 'n amperse neut smaak
2. Eikendal Janina 2008 - Lig-geel, appels en pynappels
3. Eikendal Lufthansa 2007 - Elegante wyn met tipiese sitrus karakters
4. Eikendal 2007 - Goed gebalanseerde wyn met 'n minerale karakter
5. Eikendal 2005 - Goed gebalanseerde wyn met sitrus en butterscotch eienskappe
6. Ataraxia Chardonnay 2007 - Delikate suurlemoen smake (lemon merange)
7. Uva Mira Chardonnay 2007 - Skerp geel. Baie komplekse neus met speserye en sitrus - delikate volmoed met 'n lang marmelade na-smaak. Almal stem saam 'n meesterstuk
8. Springfield Methode Acienne Chardonnay 2006 - Sitrus wat agter donker botter wegkruip. Al die geure in goeie balans.

Chenin Blanc proe

Baie lekker wynproe gereel deur Marlene. Ons proe uitstekende voorbeelde van Suid Afrikaanse Chenin's:
1. Groote Pos 2008 (Darling) - tropies vrugte op die neus en pallet
2. Alexanderfontein 2008 (Darling) - Guava prominent; glad en goed gebalanseerd
3. Ondine 2008 (Darling) - Vlagskip wyn
4. Arabella 2008 (Robertson) - Vrugte en vars strooi
5. Perdeperg 2008 (Agter-Paarl) - Tropiese vrugte wat deurgetrek word na 'n volmond en lang nasmaak
6. Spier 2008 (Stellenbosch) - Vrugte word met heuning en vanilla gekomplimenteer
7. Kleine Zalze Bushvines 2008 (Stellenbosch) - Vrugte op die neus met 'n skoon, "crisp" smaak
8. Mooiplaas Bushvines 2008 (Stellenbosch) - Guava, pynappel met goeie struktuur en volmond smaak
9. L'Avenir 2006 (Stellenbosch) - Sagte, tog goed gebalanseerde wyn
10. Hue - Vouvray, Loire 2005. Geen proe notas nie