La Caronne Valentynsdag

Hierdie was net een van daardie spesiale dae in alle aspekte. Die weer was goed en die tuin was besonders. Die kos was keurig voorberei en die wyn uit die boonste rakke. Ons het 'n besonderse Valentynsdag proe in die tuine by La Caronne wynplaas naby Franschhoek gehou. Terwyl ons 'n viergang maaltyd uit piekniek mandjies geniet het, is ons stapsgewyse aan die wyne van La Caronne blootgestel:
A limited edition Cap Classique
Sauvignon Blanc
Chardonnay
Menage a Trois
Shiraz
Cabernet Sauvignon

Kaas en wyn pairing

Die klub hou 'n uitstekende kaas en wyn pairing by de Grendel op die 31 Januarie. Katinka beklemtoon dat die volgende kaaskenmerke: Sout, vet, aroma, digtheid, oorweeg moet word.

Die volgende kase is geproe met beste wyn-passings aangedui. (rating: *** goed; ** ok; * liefs nie)

BOKMELKKAAS: Chèvre met Sauvignon Blanc***

SAGTE KOEIMELKKASE: Brie met ongehoute Chardonnay *** en Camembert met Pinot Noir ***

HARDE KOEIMELKKASE: Gouda met Pinotage ***, Matured Gouda met Cabernet Sauvignon **, Mild Cheddar met Viognier ** en Matured Cheddar met Tawny Port ***

BLOU KASE: Cruyère met Winifred ** en Witzenberger met Shiraz **

ANDER KASE: Wensleydale with Cranberries met Pinotage ** of Late Harvest **, Emmental: *, Sheep’s milk Gouda met Pinotage **, Pont l’Evêque met Pinotage ** of Viognier **, French Tomme Obiqua met Shiraz **, Italian Gorgonzola met Noble Late Harvest ***, French Roquefort met Noble Late Harvest **, Blue Stilton met Tawny Port *** en Vintner’s Hoek (Munster style) met Port ***

Die wyne wat vir die passing gebruik is, was die volgende:

De Grendel Sauvignon Blanc, Dewetshof Chardonnay ongehout,De Grendel Winifred (Viognier, Chardonnay, Semillon), De Grendel Viognier, De Grendel Pinot Noir, De Grendel Merlot, Alexanderfontein Cabernet Sauvignon Blanc, Beyerskloof Pinotage, De Grendel Shiraz, Brampton Natural Sweet, KWV Tawny Port

Suid Oos Asia en die Verre Ooste

Die jaarafsluitingsfunksie is 'n absolute smaak-sensasie. Ons word blootgestel aan oosterse kosse en pas dit met Suid Afrikaanse wyne. Om die proe te beskryf sal heelwat meer as die blog neem, maar hier volg 'n opsomming.

Die wyne wat geproe is, was die volgende:
1. Vonkelwyn: Pongraz
2. Sauvignon Blanc: Fairview
3. Chenin Blanc: Ken Forrester (Petit)
4. Chardonnay: deWetshof unwooded
5. Weisser Riesling: Helderberg
6. Gewurztraminer: Simonsig
7. Cabernet Sauvignon: Alexanderfontein
8. Chiraz: Durbanville
9. Fine: Monis Pale dry

Die kosse wat geproe en gepas is, was die volgende:
Sjinees: Cantoneese Mieliesop, Kung Pao (garnale), Chow mein, Sichuan bees.
Japanees: Miso, Tempura (garnale), Sushi, Tonkatsu (met vark)
Thai: Tom yum gai (hoender), Tod man (viskoekies), Pad Thai. Thai rooi kerrie (met vark)

Dubbelgoud

Willem en Gretel bied 'n uitstekende proe aan waar ons blootgestel word aan Veritas dubbelgoed wenners, sowel as Michelangelo DG wenners. DIe wyne wat geproe word, is:

1. David Nieuwoudt Ghost Corner 2008 - vrugtig met intense geure wat goed geintegreer is
2. Diemersdal Eight Rows 2008 - Kompleks, gras geure met 'n vol mond smaak
3. Alvi's Drift Cape Fusion 2005 - Glad, geintegreerd en vrugtig
4. Backsberg Klein Babilonstoren 2004 - Meaty en Jammy, vol bessies
5. Hartenberg Cabernet Sauvignon 2005 - Donker rooi, koffie en volmond vrugte
6. Arabella Shiraz 2007 - Rooi vrugte, lig en elegant
7. Nederberg Winemaster Reserve 2007 - Mocca, swaar met 'n gladde aanslag
8. Landskroon Paul de Villiers 2006 - Voilets, karamel speserye
9. Saronsberg Shiraz 2005 - Mocca, peper, vol met goeie struktuur
10. Kloovenberg Shiraz 2005 - Skaam, maar elegant
    

Cape Point Winery

Dit is al lank dat ons probeer om by Cape Point te proe. Met die uitstekende resultate wat hulle oor die jare gekry het met hul witwyne was dit altyd 'n leemte in ons wynproe-ervaring.

Ons was gelukkig om op 'n koue aand die wynproe mee te maak met Duncan Savage, die wynmaker. Ons het natuurlik die Sauvignon Blancs geproe, sowel as die Semillon en Chardonnays. 'n Gedeelte van die proe is selfs gehou in die verkoelde "containers" langs die kelder. Ongelukkig was die Isliedh uitverkoop en kon ons nie eers een bottel proe nie.

Arniston Wegproe

Ons spandeer 'n wonderlike Saterdag en Sondag-oggend in die omgewing van Elim. Tydens hierdie tripiie ondek ons die spesiale wyne van die Suid Kaap. Veral die Sauvignon Blanc's was 'n openbaring. Die wyse van wynmaak en die bestuur van die suur in die wyne vind ons baie interessant.

Tydens die naweek besoek ons die volgende wynmakerye

Raka waar ons blootgestel word aan 'n familie wat met passie wynmaak. Ons proe al dioe bekende pryswennende wyne (vanaf die Quinary tot Signature Shiraz), maar dit is die nog onbekende Chinen Blanc wat ons verbeelding aangryp.

Daarna ry ons in die reen met 'n grond-paadjie die boendoes in om die uitstekende wyne van Quoin Rock te proe. Alhoewel al die druiwe na Stellenbosch vervoer word, waar dit verwerk word en dikwels met Stellenbosch vrugte versny word, proe ons tog van die tipiese streek wyne.

Ons word daarna onthaal op 'n hartlike middag-ete op die plaas Zoetendal, net buite Elim waar ons die Sauvignon Blanc wyne behoorlik geniet.

Die aand se wynproe saam met 'n uitstekende aand-ete word op 'n hoogtepunt afgesluit met die Strandveld wyne. Dit is veral die Adamaster wat by ons sal bly.

Dankie aan Abrie en Susan vir die uitstekende reelings en weereens 'n suksesvolle funksie.

Cotes Du Roussillon proe

Jeff Grier van Villiera het onlangs 'n plaas in die Roussillon streek van Frankryk aangeskaf. Hy het aan ons (en 'n paar ander vriende) op insiggewende wyse bekend gestel aan hierdie streek, hulle kultivars, benadering tot wynmaak en natuurlik hulle wyne. Ons het baie geleer van die invloed van Catalan op hierdie gedeelte en die geskiedenis wat eeue teruggaan.

Ons het ook uitstekende wyne geproe:

1. Domain Grier - Vin de Pays D'OC (1789 range) Maccabeu/Viognier 2006: lig geel met vars vrugte en mineraliteit karakter
2. Matassa - Vin de Pays des Cotes Catalan Cuvee Nouge 2005: Veroudering op die neus met 'n meer botterige smaak
3. Domain Grier - Vin de Pays des Cotes Catalan (1789 range) Grenache 2006: Kaneeltjie en kersies, amper a soek karakter tog droog en sagte struktuur
4. Domain Serrelongue - Cotes du Ruissillon Carigno Cargnan 2006: Donker rooi met karamel en speserye
5. Domaine Vaquer - Vin de Payes des Cotes Catalan L'Expression Carignan 2005: Donker swart bessies jellie met vars speserye. Intense vrug ontwikkel in die mond tot 'n amper mollasse na-smaak
6. Domaine des Soulanes - Vin de Pays des Cotes Catalan Bastoul Laffite Red Blend 2004: Donker rooi met marmite neus en aardsheid, volmond met goeie tanien struktuur
7. Comp del Roc - Cotes du Roussillon Vinum Patris Red Blend 2004: Rooi bessies en granaat op die mond
8. Domain Cardies Cotes du Roussillon Villages Les Milleres Red Blend 2005 (SMG): Aarbeie en Sirah "farmyard", aantreklike skoon vrugtige ingaan (entry)
9. Domain Grier Cotes du Roussillon Villages Crusade Red Blend 2006 (GSM): Baie rype vrugte en 'n oorvloed daarvan met goeie struktuur en balans
10. Mas Amiel - Vin doux Naturel A.C. Maury Vintage Reserve: hout vuur en warm was gemeng met heuning